Астаналық ауыратлет әлем чемпионы атанды

Елордалық спортшы Едіге Емберді ауыр атлетикадан жасөспірімдер арасында әлем чемпионы атанды, деп хабарлайды Нұр-Сұлтан әкімдігінің ресми сайты.

Мексиканың Леон қаласында ауыр атлетикадан өтіп жатқан жасөспірімдер арасындағы әлем чемпионатында жерлесіміз Едіге спорт тарихында өз есімін жазып үлгерді.

Айта кетейік, 11-18 маусым аралығы Леон қаласында 17 жасқа дейінгі жасөспірімдер және қыздар арасында ауыр атлетикадан әлем чемпионаты өтіп жатыр. Жарысқа 39 елден 200 ден астам спортшы қатысуда. Оның ішінде, еліміздің намысын 9 бірдей спортшы қорғауда.

Аталған байрақты бәсекеде 73 келіге дейінгі салмақта өнер көрсеткен Едіге – қос жаттығу қорытындысы бойынша 306 (134+172) келіні ырқына көндіріп, әлем чемпионатының рекордын жаңартты (серпе көтеру).