Көркем гимнастика: Эльжана Таниева Ресейде өткен турнирде күміс жүлдегер атанды

Ресей астанасы Мәскеуде көркем гимнастикадан Гран-при турнирі аяқталып, қазақстандық Эльжана Таниева жүлдеге ілікті, деп хабарлайды Olympic.kz.

Элжана ұршықпен жаттығуда күміс медаль иеленді. Бұл Таниеваның Гран-при турниріндегі алғашқы жүлделерінің бірі.

Бұл жаттығу бойынша алтын медальді ресейлік Лала Крамаренко, қоланы оның отандасы Арина Аверина еншілеген.

Айта кетелік, Эльжана Таниева Ресейдегі Ирина Винер-Усманова орталығында жаттығады. Бапкері – Яна Аринцева.