Боксшы Фируза Шәріпова соңғы жекпе-жегінен қанша қаражат тапты

Қазақстандық боксшы Фируза Шәріпова әлем чемпионы Кэти Тейлорға қарсы жекпе-жегі отандасымыз үшін табыс жағынан ең тиімді болды, деп хабарлайды sports.kz.

Фируза Шәріпова өз парақшасында G versus YouTube-каналының видеосын жариялаған. Онда видео авторы қазақстандық боксшының 500 мың фунт стерлинг (шамамен 288 млн теңге(660 мың доллар) тапқанын айтқан.

Ал оның ирландиялық қарсыласы екі млн доллардан көбірек табыс тапқан. Видео авторының айтуынша бұл Фирузаның рекордты гонорары. Бұған дейін ол әр жекпе-жегі үшін көп дегенде 50 мың доллар гонорар алған.

Айта кетейік, Шәріпова мен Тейлор арасындағы жекпе-жек 11 желтоқсан күні Ливерпуль (Англия) қаласында өтті. Олар 10 раунд бойы жұдырықтасып, нәтижесінде төрешілердің бірауыз шешімімен ирландиялық боксшы жеңіске жетті.