Астананың автобустарында жәшік көтеріп жүретін балалар 3 қорға 340 млн теңге жинап берген

Астананың прокуратурасы арнайы рейд кезінде қоғамдық орын, автобус пен саябақтарды аралап, жәшікке ақша жинап жүретін 8 баланы анықтады, деп хабарлайды Azattyq Rýhy.

«Рейд кезінде кәмелет жасына толмаған 8 жасөспірім анықталды. Жас аралығы – 15-17 жас. Олармен еш шарт жасаспаған үш қайырымдылық қоры оларды ерікті ретінде жұмысқа тартқан. Бұл Әкімшілік құқық бұзу фактілері туралы кодекстің 86-бабының 3-бөлігін бұзады», - деп хабарлайды прокуратура.

Ең сорақысы, осы үш қор «қайырымдылық» деген жалаумен 340 млн теңге жинап алған, бірақ, ақшаны басқа мақсаттарға қолданған.