«Бір орта таптық»: Ботаникалық саябақта қарт адамдар скандинавия жүрісінен марафонға қатысты

Астанадағы Ботаникалық бақта егде жастағы адамдарға арналған «Денсаулық жолы: жүрек пен миға қамқорлық» атты скандинавиялық жүріс марафоны өтті, деп хабарлайды Azattyq Rýhy.

2025 жылғы 1 наурыздағы статистика бойынша елімізде 2 млн 455 мың зейнеткер бар. Бүгінгі марафонға 50-ге жуық қарт адам жиналған. Барлығының мақсаты – салауатты өмір салтын қалыптастыру. Қызығушылығы бір орта табу, өмірді ұзарту.

Дәрігер мамандар, оның ішінде кардиолог-дәрігерлер алдымен марафонға жиналғандардың қан қысымын, тамыр соғысын, температурасын өлшеп, арнайы тексерістен өткізді. Тәжірибелі жаттықтырушымен бірге жаттығу және жүріс техникасы бойынша қысқаша нұсқаулық та берді.

Іс-шараға мұрындық болып ұйымдастырып отырған «Гедеон Рихтер Қазақстан» компаниясының PR маманы Динара Бірмағанбетованың айтуынша, бұл  қариялар арасында скандинавиялық жүріс бойынша ұйыймдастырылып отырған алғашқы спорт шеруі.

«Көптеген осындай марафондарды қарасақ, жас адамдарға арналғанын көруге болады. Біз осындай дәстүрді зейнеткерлеріміз арасында, ата-апаларымыздың белсенділігін осы  үлкен іс-шараны өткізіп жатырмыз. Мысалы, дүниежүзілік денсаулық сақтау ұйымының  деректеріне сүйенсек, өлім-жітімнің 50 пайызына себеп осы жүрек-қан тамырларының ауруы болады екен. Сондықтан аталған дертті азайту үшін  белсенді спорт жетпейді.  Сол үшін де біз қарттарымызға осындай қозғалыс сыйлайтын марафон ұйымдастырып отырмыз», - дейді Динара Бірмағанбетова.

Марафонға қатысушылардың арасында түрлі жастағы қариялар бар. Мысалы, скандинавия жүрісін хоббиіне айналдырғанына 1 жыл болған 69 жастағы Зада Асанова осы уақыт ішіндегі нәтижеге көңілі әбден толатынын айтты.

«Өте жақсы нәтижелер бар. Бүгінгі көңіл-күйіміз тамаша. Біріншіден, табиғат құлпырып, жайнап, жарқырап тұр. Сондай біздің көңіл күйіміз жайнап, жарқырап, осы шараға қатысып отырғанымызға өте бақыттымыз. Алдымен денсаулығымыз жақсарып, көңіл-күйіміз орнымызда болады. Барлық зейнеткерді үйлерінде отырмай белсенді өмір сүруге шақырамыз. Осылай жүріп, көп жолдас таптық. Қазір бәріміз доспыз, бір-бірімізге қонаққа барып, шай ішеміз», - деді Асанова.

Ал 77 жастағы Ғалымжан Аманбаев  үш-төрт жылдан бері осындай мәдениетті жүріске қатысып жүргенін айтты.

«Былтыр Нұра ауданы Ботаникалық бақта осы жүру түрін енгізді. Бұл саябақ демалуға жақсы мекен. Қатысушы қария саны күннен-күнге артып, қазір санымыз 90-ға жетіп қалды. Өз қатарластырымыздың арасында осылай кездесіп, жүргеніміз денсаулыққа жақсы әсер етіп жатыр. Астанаға көшіп келгеніме 5 жыл болды. Оған дейін бала-шаға, жұмыс деп жүрдік. Біз енді өзімізге көңіл бөліп жүрміз. Қарияларды қолдап жатқан ұйымдастырушыларға да алғыс. Болашақта осындай мәдениет кеңінен тарап, қарттардың ғұмыры ұзақ болады деп үмітенімін», - дейді Ғалымжан Аманбаев.