Тоқаев мас күйде көлік жүргізетіндердің жазасын күшейтуді тапсырды

Жарияланған:
28.10.2019, 01:39

Мас жүргізушілерге елімізде 4 түрлі жаза қарастырылған

Informburo.kz

Қазақстан Президенті Қасым-Жомарт Тоқаев көлікті мас күйде айдайтындарға жазаны күшейтуді тапсырды деп хабарлайды «Azattyq Rýhy» тілшісі.

«Заңға өзгертулер енгізуді тапсырдым: алкогольді ішімдіктердің кез-келген түрін ішкен күйінде көлік жүргізгені үшін, сондай-ақ мал ұрлығы үшін берілетін жазаны қатаңдату қажет», - деп жазды Мемлекет басшысы өзінің Twitter-парақшасында.

Айта кетейік, Қазақстан заңы бойынша, адам қанынан алкогольдің 0,5 промилі анықталса ол мас болып есептеледі. ҚР Әкімшілік кодексінде көліктің тізгініне мас күйде отырған жүргізушілерге 4 түрлі жаза қарастырылған:

Жүргізуші куәлігінен айыру:

  • 3 жылға: егер жүргізуші мас болса, бірақ жол көлік оқиғасын жасамаса;
  • 4 жылға: егер мас жүргізуші жол көлік оқиғасын туындатса;
  • 5 жылға: егер мас жүргізуші жасаған жол көлік оқиғасынан өзге адамдар жарақат алса және өзге автокөлік зақымданса.

Қамауға алу және жүргізуші куәлігінен айыру:

  • 15 тәулікке қамау және 6 жылға жүргізуші куәлігінен айыру: егер жүргізуші 12 айдың ішінде екінші рет мас болып көлік басқарса;
  • 30 тәулікке қамау, 10 жылға куәлігінен айыру: егер жүргізуші үшінші рет мас күйде көлік тізгініне отырса;

Егер жүргізуші мас болса және бұған дейін жүргізуші куәлігінен айрылса 20 тәулікке қамалады.

Айыппұл:

  • жүкті әйелдер;
  • 14 жасқа дейінгі баласы бар аналар;
  • 1 немесе 2-топтағы мүгедектер;
  • жасөспірімдер;
  • 58 жастан асқан әйелдер және 63 жастан асқан ер азаматтар.

Медициналық тексерістен өтуден бас тартқан жүргізушілер көлік жүргізу куәлігінен айрылады.

Біздің ең маңызды және қызықты жаңалықтарды біздің Telegram-каналдан оқыңыз
Өзге де қызықты мақалалар
Алматылықтардың басым көпшілігі ипотекамен үй ала алмай отыр
Нұр-Сұлтандағы жылы аялдамалар әлі іске қосылмаған
«Егемен Қазақстан» ғасырлық мерейтойын атап өтті

Сұхбат
«Абайдың 45 сұрағына» Мәжіліс депутаты Бақытгүл Хаменова жауап берді
Ресейде 800-900 мың қазақ өмір сүріп жатыр деген мәлімет бар, кей дереккөзде 1,5 миллион деп жазылған
«Абайдың 45 сұрағына» Арыстанбек Мұхамедиұлы жауап берді 
Абайдың 45 сұрағына алғаш болып жауап берген - Мәжіліс депутаты Нұртай Сабильянов