$ 514.94  583.74  6.13
ҚАЗ
×
Бұл желілік ресурстың ақпараттық өнімдері 18 жастан асқан адамдарға арналған.
11.04.2025, 11:29
Қоғам

Ұлытауда әлеуметтік азық-түлікті негізсіз қымбаттатқан 53 кәсіпкер жазаланды

Аймақ әлеуметтік маңызы бар азық-түліктің бағасын бақылауда ұстап отыр

Ұлытауда әлеуметтік азық-түлікті негізсіз қымбаттатқан 53 кәсіпкер жазаланды
Фото: freepik.com

Ұлытау облысында әлеуметтік маңызы бар азық-түлік бағасын негізсіз қымбаттатқан 53 кәсіпкер анықталып, олар әкімшілік жауапкершілікке тартылды, деп хабарлайды Azattyq Rýhy

Сауда және интеграция министрлігі хабарлағандай, 2025 жылдың үш айында министрліктің Ұлытау облысындағы департаменті электронды шот-фактураларға талдау жүргізген.

«Арнайы құрылған комиссияның көмегімен әлеуметтік маңызы бар азық-түлік бағасына заңсыз ақша қосып сатқан 53 кәсіпкер анықталып, оларға 235 920 теңге айыппұл салынды. Көбінесе сүзбе, күнбағыс май, сиыр еті мен картоп қымбатқа сатылған», - деп хабарлайды дереккөз.

Айта кетейік, Ұлытау облысы әкімдігінің 2025 жылғы 26 наурыздағы қаулысымен 1 тоқсанда сиыр етінің бағасы – 3444 теңгеге, картоп 294 теңгеге, ал қырыққабат 246 теңгеге сатылуы керек.

Серіктес жаңалықтары