Қырғыз ҰҚК басшысы грек жаңғағының атын ауыстыруды ұсынды

Қырғызстанның ҰҚК басшысы Қамшыбек Тәшиев грек жаңғағын қырғыз жаңғағы деп атауды ұсынды, деп хабарлайды Azattyq Rýhy 24 kg ақпарат агенттігіне сілтеме жасап.

Оның сөздерін журналист Откурбек Рахманов Facebook парақшасына жария еткен.

«Мыңдаған жылдар бойы Арсланбобта жаңғақ өсіп келеді. Бұл Қырғызстан, Орталық Азяи елдері болмаса континент бойынша емес әлем бойынша ең үлкен жаңғақ алқабы. Мұндай алып жаңғақ орманы жер бетінде жоқ. Осындай керемет жерде өмір сүреміз. Жаңғақ жерінен тараған, кейін оны грек, түрік, испан, венгр жаңғағы деп атай бастады. Ал шын мәнінде оның бәрі Қырғызстаннан шыққан. Сондықтан оны грек емес, қырғыз жаңғағы деуіміз керек», - деді Тәшиев Жалал-Абад облысына жаңғақ ағашын егу барысында.

Қамшыбек Тәшиев Жалал-Абад облысының 100 гектар жеріне 40 мың жаңғақ көшетін еккен. ТЖМ ағаштың жеті түрі - жаңғақ, пісте, бадам, алма, қарағай, өрік ағаштары мен қылқан жапырақты және жалпақ жапырақты ағаштар отырғызылғанын нақтылады.

Ведомствоның мәліметінше, Қырғызстанда жаңғақ ормандары 45 мың гектар жерді алып жатыр. Оpen.kg сайтындағы мәлімет бойынша, тек Арсланбоб өзенінің аңғарында 600 мың гектардан асатын жерде жаңғақ орманы өсіп тұр.