Астаналық оқушы мектептегі төбелес туралы хабарлама беретін жүйе ойлап тапты
Диханбай Айсұлтан қаладағы №80 мектепте оқиды
Астана қаласы Сәкен Сейфуллин атындағы №80 мектеп-гимназияның 9-сынып оқушысы Диханбай Айсұлтан оқу ордасының ішіндегі балалардың төбелесін хабарлайтын жүйе ойлап тапты, деп жазады Azattyq Rýhy.
Қалалық білім басқармасының баспасөз қызметі оқушының бұл жобасы қалай жұмыс істейтінін айтып берді. Яғни, Диханбай Айсұлтанның ойлап тапқан ақпараттық жүйесін мектептегі камераларға енгізу керек.
«Бейнебақылау камералары балалар арасындағы агрессияны бірден анықтап, хабарлама жібереді. Айсұлтан бұл жобасын қазір жасөспірімдер арасында жиі кездесетін буллингтің алдын алу үшін информатика пәнінің ұстазымен бірге жасаған. Оның жобасы оқушылардың қауіпсіздігін алдын-алуға мүмкіндік береді», - деп хабарлайды білім басқармасы.
