Бүгінде барлық мерекелік жиындар мен тойларда ұлттық сусындар — қымыз, шұбат және қымыран ұсынылады
Шымкенттің шетінде орналасқан Шапырашты тұрғын алабы екі жылдан бері алкогольден толығымен бас тартып, қоғам үшін үлгі боларлықтай қадам жасады. Мұнда ішімдік сатылмайды және тұрғындар мүлде ішпейді, деп хабарлайды Azattyq Rýhy Otyrar-ға сілтеме жасап.
Ауданның ақсақалдары бұл шешімді бір ауыздан қабылдады, ал жастар бастаманы қолдады. Бүгінде барлық мерекелік жиындар мен тойларда ұлттық сусындар — қымыз, шұбат және қымыран ұсынылады.
«Алкогольден бас тарттық, және оның пайдасын анық сезіндік. Жанжал мен төбелестер азайды, пәтер тонау сияқты қылмыстар жоқтың қасы. Енді мерекелеріміз көңілді әрі бейбіт өтеді. Қонақтарымыз тек ұлттық сусындарымызды ішеді. Бұл біздің дәстүрімізді жандандыра түседі», - дейді Шапырашты тұрғыны Қалдарбек Пернебаев:
Тұрғындардың салауатты өмір салтына деген ұмтылысы аудандағы қылмыстық деңгейдің төмендеуіне себеп болды.
«Біздің дүкенде ішімдік сатылмайды. Кейде сырттан келгендер арақ-шарап сұрайды. Бірақ біз ішімдік ішпейтінімізді айтқанда, олар алғашында таңқалады, кейін бұл бастамаға қолдау білдіреді. Бүгінгі тойларымыз шынайы көңілді әрі бейбіт өтуде», - дейді Шапырашты тұрғыны Әлия Матова.