Елімізде Telegram-ның кеңсесі ашылады

Қазақстанда Telegram-ның кеңсесі ашылып, өкілі сайланбақ. Бұл туралы Цифрлық даму, инновациялар және аэроғарыш өнеркәсібі министрі Жаслан Мәдиев айтты, деп хабарлайды Azattyq Rýhy.

Министрдің сөзінше, енді WhatsApp және TikTok сияқты интернет-платформалар да елімізде өз өкілін тағайындайды.

«Біз сондай-ақ Telegram платформасымен заңсыз контентті жедел жою және деструктивті арналарды бұғаттау бойынша белсенді түрде ынтымақтастық орнатып жатырмыз. Біздің заңнамаға сәйкес, енді Telegram, WhatsApp және TikTok сияқты интернет-платформалар Қазақстанда өз өкілін тағайындауға міндетті. Telegram-мен олардың өкілін тағайындау және кеңсе ашу туралы келісімге қол жеткізілді — бұл контентті бақылауды арттыруға бағытталған маңызды қадам», — деді Жаслан Мәдиев.

Еске салсақ, таяуда депутат Мұрат Әбенов Telegram қосымшасынан қауіптенетінін айтқан.