Халық әртісі Роза Рымбаева референдумда таңдау жасады
Әнші бұл күні қазақстандықтар үшін тарихи дата деп атады
Қазақстанның халық әртісі, танымал эстрада әншісі Роза Рымбаева Қазақстанда АЭС салу мәселесі бойынша референдумға қатысты, деп хабарлайды Azattyq Rýhy өңірлік коммуникациялар қызметіне сілтеме жасай отырып.
Әнші №17 мектеп-интернатта орналасқан №387 сайлау учаскесіне барды.
Роза Рымбаева бүгінгі референдум әрбір қазақстандық үшін тарихи күн екенін атап өтті.
«Азаматтарымыздың референдумға қатысуы – Қазақстанның болашағын түсінудегі маңызды қадам. Бүгін әрқайсымыз өз ұстанымымызды айта аламыз», - деді ол.
Естеріңізге сала кетейік, бүгін Қазақстан аумағында АЭС салу мәселесі бойынша республикалық референдум өтіп жатыр. Алматы әкімі Ерболат Досаев жұбайымен бірге №48 мектеп-лицейінде №388 референдум учаскесіне келіп, алғашқылардың бірі болып дауыс берген болатын. Қаладағы сайлау учаскелері сағат 20:00-ге дейін жұмыс істейді.