Шиелі ауданында КВИ жұқтырған барлық науқас айығып шықты – БАҚ

Кеше Қызылорда облысында коронавирустан тағы 3 адам сауығып шығып, аймақ бойынша жазылған науқастардың саны 172 адамға жетті. Бұл туралы kyzylorda-news.kz порталы хабарлады.

Індеттен айыққандардың қатарына соңғы қосылған науқастар – Қызылорда қаласы мен Шиелі ауданының тұрғындары. Осылайша, Шиелі ауданында қауіпті вирус жұқтырған 66 науқастың барлығы жазылып шықты.

«Облыста сауыққандар саны 172 адамға жетті. Жазылып шыққан науқастардан тағы 2 рет сынама алынып, бәрі теріс нәтиже көрсеткен. Олар алдағы 14 күнде дәрігерлердің бақылауында болады», - делінген ақпаратта.

Еске сала кетейік, 9 сәуірде Шиелі ауданы Төңкеріс ауылдық округінің орталығы Шеген Қодаманов ауылы эпидемия ошағына айналып, коронавирус жұқтырғандардың қатары күрт көбейген еді.