Семейде шенеунік 4 мың теңге пара алғаны үшін істі болды

Семей қаласы ауыл шаруашылығы бөлімі басшысының міндет атқарушы бес азаматтан 4 мың және 25 мың теңге аралығында пара алғаны үшін істі болды, деп хабарлайды Azattyq Rýhy.

Дереккөзге сүйенсек, жергілікті шенеунік бес адамға тиісті құжаттарын тез рәсімдеп беремін деп уәде еткен.

«Сот ауыл шаруашылығы бөлімінің басшының міндетін атқарған адамды Қылмыстық кодекстің 366-бабының 3-бөлігі 4-тармағы бойынша кінәлі деп танып, оған мынандай жаза тағайындады – ол 2,9 млн теңге айыппұл төлейді эәне мемлекеттік қызметте қызмет атқару құқығынан өмір бойына айырылды», - деп хабарлайды Семей соттарының баспасөз қызметі.

Сонымен қатар, пара берген бес адам да кінәлі деп танылып, оларға  - 60 мыңнан 375 мың теңге аралағында айыппұл салынған. Және олар да енді өмір бойы мемлекеттік қызметте жұмыс істей алмайды.