«Кедей еркекте дін болмайды»: психолог Динара Арыстан күтпеген мәлімдеме жасады (ВИДЕО)
Ол өзінің тағдырын мысалға келтірді
Психолог, коуч Динара Арыстан дүнесі жоқ адамның діні де болмайтынын айтты, деп хабарлайды Azattyq Rýhy.
«Дүниесі жоқ еркектің алдында әйелдің діні де, тәжі де қалмайды. Себебі мен діні бар, дүниесі жоқ еркекпен 15 жыл өмір сүрдім. Ол кісі сондай білімді еді. Қай жерге барса да, аузынан дұғасы түспейтін. Оның алдында менің не дінім, не тәжім қалған жоқ. Мені ешкімнен қорғамайтын. Бүкіл міндетті маған артып қоятын. Моральдық, материалдық, физикалық қамқорлық болған емес. Не оның ағайын туысынан, не оның көшеде танымайтын адамдардан қорғау болмады. Сондықтан дүниесі жоқ еркектің алдында ешқашан дін болмайды», - дейді Динара Арыстан.
Оған оқырмандар түрлі пікір жазған. Кейбірі оны даттаса, кейбірі қолдап, келісетіндерін айтқан.
«Иманның байлыққа қатысы жоқ. Иманың әлсіресе өзіңнен. Дүниені армандама, соңында дүниеден ештеңе алмай кетесің. Ісің мен сөзің сәйкес келмейді екен. 15 жыл өмірден кейін де қате қорытынды жасапсыз», - деп жазған олар.
