Дәулет Иманқұлов 5,5 млн теңге жымқырған
Талдықорған қалалық соты «Жетісу» футбол клубының спорт директоры Дәулет Иманқұловқа қатысты үкім шығарды, деп хабарлайды Azattyq Rýhy.
«Ол футболшының еңбек шартына бонус беру сылтауымен 5,5 млн теңге мөлшерінде бюджет қаражатын алаяқтық жолмен жымқырғаны үшін кінәлі деп танылды», - деп хабарлады Антикор.
Сот үкімімен оған 3 жыл 6 ай бас бостандығын шектеу түріндегі жаза тағайындалды.
Сот үкімі заңды күшіне енген жоқ.