Павлодар облысында 124 жол апаты тіркелді: 2 бала қаза тапты
Бұл – соңғы жеті айдағы көрсеткіш
Павлодар облысында биыл балалардың қатысуымен 124 жол-көлік оқиғасы тіркелді, деп хабарлайды Azattyq Rýhy.
Оның 77-сі Павлодар қаласында болған. Апат салдарынан, 2 бала қаза тауып, 145 бала жарақат алды.
«Әр санның артында ата-аналар мен балалардың көз жасы тұр. Көбінесе ересектер баланың көз алдында жол ережелерін бұзады, балалар ересектердің тәртібін қайталайтынын ұмытады. Балаларда әлі де жолдарда жүріс-тұрыстың берік практикалық дағдылары жоқ. Оқиғалардың 70%-ында балалар жол-көлік оқиғасына кінәлі жаяу жүргінші ретінде жарақат алады. Кейбір жасөспірімдер достарының алдында хайп үшін қозғалатын көліктің алдына жүгіреді», – деп, себептерін атады Павлодар қаласы ПБ патрульдік полиция батальоны командирінің міндетін атқарушы Максим Кустанов.
Соңғы уақытта кәмелетке толмағандар мотоцикл, скутерлерді айдауды әдет еткен. Бұл да жол апаты фактілерінің көбеюіне себеп.
