Қостанай облысында сібір жарасының өршуіне байланысты карантин жарияланды

Қостанай облысы Приречное ауылында ірі қара малдан сібір жарасы анықталды. Аймақта карантин жарияланды, деп хабарлайды Azattyq Rýhy.

ElDala.kz хабарлауынша, Свердлов ауылдық округі әкімдігінің шешімімен жағдай тұрақталғанға дейін шектеулер белгіленді.

Приречное ауылы Денисов ауданында орналасқан. Ауру жұққан ірі қара мал басының саны туралы ақпарат әлі хабарланған жоқ.

Еске салайық, былтыр Қазақстанның төрт облысында – Ақмола, Жамбыл, Түркістан және Қарағандыда сібір жарасы тіркелді, инфекцияның салдарынан бір адам қайтыс болды.