ЖШС таратылған жағдайда дәрі-дәрмектерді сатып алу әкімдіктерге жүктеледі деді ол
Денсаулық сақтау министрі Ақмарал Әлназарова «СҚ-Фармация» кәсіпорнына қатысты сын айтты, деп хабарлайды Azattyq Rýhy.
Үкіметтегі брифингте Әлназароваға Денсаулық сақтау министрлігі Антикордың жақында жүргізген тексеруіне байланысты «СҚ-Фармациядан» бас тарта ала ма деген сұрақ қойылды.
Министр «СҚ-Фармация» таратылған жағдайда дәрі-дәрмектерді сатып алу әкімдіктерге жүктелетінін айтты.
«Біз 2018 жылға дейін бұл тәжірибені жасадық. Барлық медициналық ұйым өз бетінше сатып алса, біріншіден, дәрі-дәрмектерді жеткізуде үзілістер болуы мүмкін. Екіншіден, Бірыңғай дистрибьютор сатып алатын дәрі-дәрмектердің көлемін ескере отырып, жекелеген позицияларда бюджет қаражатын айтарлықтай үнемдеуге мүмкіндік бар», - деп жауап берді Ақмарал Әлназарова.
Министр «СҚ-Фармация» ЖШС құрылғаннан бері 250 миллиард теңгеге жуық бюджет қаражаты үнемделгенін айтты.
Естеріңізге сала кетейік, Сыбайлас жемқорлыққа қарсы қызмет «СҚ-Фармация» ЖШС-де елеулі сыбайлас жемқорлық фактілерін анықтады.