Қостанайда үй карантиніндегі адамдардың жүріс-тұрысын смартфоны арқылы бақылайды
Ақпарат әр 20 минут сайын жаңартылады

Мемлекеттік комиссияның шұғыл штабы хабарлағандай, Қостанай облысында карантин режимін сақтауға міндетті адам «Смарт Қостанай» мобильді қосымшасын орнатудан бас тарта алмайды.
«Үй карантинінде отыруға тиісті азаматтарды енді «Смарт Қостанай» мобильді қосымшасы арқылы қадағалайды. Оның көмегімен мамандар карантин кезінде адамның қайда жүргенін ғана емес, оның жеке мәліметтерін де көреді. Сондай-ақ карантин режимін сақтауға міндетті адам бұл қосымшаны орнатудан бас тарта алмайды», - делінген ақпарда.
Облыста үй карантиніндегі азаматтарды қашықтан бақылайтын арнайы мониторинг орталығы құрылып, ол Қостанай медициналық колледжінің базасында ашылған. Бұл жерде мамандар карантиндегі адамның қайда және сағат нешеде барғанын қадағалайды. Ақпарат әр 20 минут сайын жаңартылады.