Әйеліне қол жұмсаған 54 жастағы ақтөбелік тұрғын үш жылға сотталды
Әйелдің қабырғалары сынып, өкпесі жарақат алған
Ақтөбеде баспанасында жөндеу жұмыстарын жүргізіп жатқан ерлі-зайыптылар ішімдік ішіп, артынша жанжалдасып қалған, деп хабарлайды Azattyq Rýhy Диапазонға сілтеме жасап.
Нәтижесінде ер адам әйелінің бетінен бір рет, денесінен бірнеше рет ұрған. Келіншек ауруханаға жатқызылды, сараптама оның денсаулығына ауыр зиян келгенін анықтады, үш қабырғаның сынуы және оң жақ өкпесінің жарақаты диагнозы қойылды.
«Зорлық-зомбылық жасаушы ауыр дене жарақатын салу айыбы бойынша сот алдында жауап берді. Ол әйелінің бетінен алақанымен ұрып, денесінен екі рет ұрғанын, содан кейін кешірім сұрап, ұйықтап қалғанын айтты. Таңертең оның бүйірі ауырып тұрғанын, жедел жәрдем шақыруды ұсынғанын, бірақ әйелі бас тартқанын айтты. Ал жұмыста әйелінің ауруханаға жатқызылғанын білді. Ол әйеліне зиян келтіру ниеті болмағанын айтты», - делінген ақпараттық сайттың хабарламасында.
Жәбірленуші соттан күйеуін қылмыстық жауапкершіліктен босатуды сұрады, бірақ сот 54 жастағы ақтөбелікті үш жылға бас бостандығынан айырды.
