Жезқазғанда такси жүргізушісі есірткі таратумен айналысқан

Жезқазған қаласында Ұлытау облыстық полиция департаментінің Ұйымдасқан қылмысқа қарсы күрес басқармасының қызметкерлері көпқабатты үйдің ауласында есірткі заттарын аса ірі мөлшерде өткізген деген күдікпен 43 жастағы жеңіл автокөлік жүргізушісін ұстады, деп хабарлайды Azattyq Rýhy.

«Автокөлік құралын тексеру кезінде полицейлер жасыл түсті өсімдік тектес ұнтақ заты бар он екі қағаз орамасын тауып алып алды. Сарапшының қорытындысына сәйкес, зат жалпы салмағы 52 грамнан асатын «гашиш» есірткі болып табылады.

Ұсталған адамның айтуынша, ол такси жүргізушісі болып жұмыс істейді және өзінің негізгі еңбек қызметі кезінде есірткі таратумен айналысқан. Сотқа дейінгі тергеу басталды. Күдікті уақытша ұстау изоляторына қамалды.