21 жастағы павлодарлық қыз 88 жастағы зейнеткерді тонады

Azattyq Rýhy

Күдікті ақшаны өз қажеттіліктеріне жұмсап үлгерген

21 жастағы павлодарлық қыз 88 жастағы зейнеткерді тонады
Фото: polisia.kz

Тонау фактісі бойынша Павлодар қаласының полициясына Павлодар қаласының 88 жастағы тұрғыны жүгінді. Зейнеткердің сөзінше, кешке таяу бейтаныс қыз есіктің қоңырауын басқан. Пәтерге кіріп, зейнеткерді әңгімеге тартып, шкафтан әмиянды алып, ішіндегі ақшаны ұрлап кеткен, деп хабарлайды Azattyq Ruhy қалалық полиция басқармасына сілтеме жасап.

«4 күннен кейін бұл қыз үйге қайта келіп, кіріп, жастықтың астынан, кереуеттің астынан ақша іздей бастаған, бірақ ештеңе таппай,  " Panasonic" маркалы телефонды тоқтан суырып алып, пәтерден белгісіз бағытта жүгіріп шығып кеткен. Жәбірленуші ұлына қоңырау шалып, полиция қызметкерлерін шақырды» –деп хабарлайды Павлодар қ.ПБ ОПБ бастығы Жандос Орынбаев.

Қабылданған шаралармен жедел уәкілдер зейнеткерді тонаған ұрлықшыны тапты.

 Ол 21 жастағы павлодарлық қыз болып шықты.

Заттай дәлелдеме алынып, күдікті өз қажеттіліктеріне ақшаны жұмсап үлгерген.

Қазіргі уақытта тонау фактісі бойынша сотқа дейінгі тергеу жүргізілуде. Күдікті Павлодар қ. ПБ УҚИ-не қамауға алынды.

×
Бұл желілік ресурстың ақпараттық өнімдері 18 жастан асқан адамдарға арналған.