«Ең жылы сәуір»: Қазақстанда 57 жыл бұрынғы рекорд жаңарды

2024 жылдың сәуір айы метеорологиялық бақылаулар тарихында Солтүстік жарты шардың көптеген елдерінде, соның ішінде, Қазақстанда да ең жылы айлардың біріне айналды, деп хабарлайды Azattyq Ruhy.

Қазгидрометтің ақпаратына сүйенсек,  Орал қаласында 1967 жылдан кейін сәуірдегі ауа температурасы мұнша жылы болмаған. 1967 жылы Орал қаласында сәуірдегі ауа температурасы +27,8 градусқа дейін ысыған екен. Енді биыл бұл рекорд жаңарып, сәуір айында шаһарда +28,4 градус ыстық температура тіркелген.

"Сәуірдің үшінші онкүндігінің басында еліміздің басым бөлігінде күн жылынып, Қазақстан қалаларында жаңа рекордтар тіркелді. Мәселен, 21 сәуірде Ақтауда күн +31,5 градусқа дейін ысыды,  бұндай жылы ауа райы 1975 жылы тіркелген. Петропавлда ауа температурасы +28,8 градус болған, бұл көрсеткіш 1982 жылғы ыстықтан асып түсті, 22 сәуір күні Атырауда ауа температурасы +31,2 градусқа дейін ысып,  , 2012 жылғы рекорд жаңарды», - деп хабарлады Қазгидромет.