Сарбаздар Қостанайда зардап шеккен тұрғындарға көмек көрсетіп жатыр

Президент Қасым-Жомарт Тоқаев халыққа қазіргі су тасқыны көптеген жылдар бойы болмаған теңдесі жоқ апат екенін атап өтті, деп хабарлайды Azattyq Ruhy. 

Бұл - соңғы 80 жылда болмаған ауқымы мен салдары бойынша ең үлкен апат. Осы орайда, Ұлттық ұланның әскери қызметшілері де тәулік бойы көмек көрсетіп, су тасқыны және су басуы ықтимал жерлерге бір жарым мыңнан астам офицерлер мен сержанттар, курсанттар мен сарбаздар жұмылдырылды. 

Ұландықтар азаматтарды табиғи апат аймақтарын құлақтандыруға және эвакуациялауға белсенді қатысады, эвакуациялық пункттерге гуманитарлық көмек жеткізеді, тонауға жол бермеу мақсатында полиция қызметкерлерімен бірлесіп, су тасқынымен қамтылған көшелерді патрульдей отырып, құқықтық тәртіпті қамтамасыз етеді, жағалауды нығайту жұмыстарын жүргізеді, суды бұруды және каналдарды тазартуды жүзеге асырады.

Қостанай қаласы 6697 әскери бөлімінің жеке құрамы 140-қа жуық әскери қызметші мен 3 техника бірлігі Қостанай облысының тұрғындарына көмек көрсетіп, жол бойында, сондай-ақ Қостанай және Тобыл қалаларының елді мекендеріндегі тұрғын алаптардың жанында қаптарды толтыруды және төсеуді жүзеге асыруда.

«Қазіргі уақытта Қостанай облысында ТЖ режимі енгізілді. 6697 әскери бөлімінің әскери қызметшілері табиғи сипаттағы төтенше жағдайлардың салдарын жою жөніндегі міндеттерді орындайды. Біздің бүгінгі міндетіміз - зардап шеккен тұрғындарға көмек көрсету, адамдарды эвакуациялау. Сондай-ақ, Қостанай мен Тобыл қалаларын қапшықтан үлкен су ағынынан қорғаймыз», - деп атап өтті әскери бөлім рота командирінің орынбасары лейтенант Әлішер Қайрулдинов.

6655 әскери бөлімінің 300-ге жуық әскери қызметшісі 4 ауысымда 13 техника бірлігімен Кирпичный және Заречный кенттерінде тәулік бойы су тасқынына қарсы іс-шараларға тартылуды жалғастыруда, оның ішінде полиция қызметкерлерімен бірлесіп су басқан кенттердің көшелерінде тонауға жол бермеу бойынша қызмет атқарады. 

Сондай-ақ, Ұлттық ұланның әскери қызметшілері Шұбарқұдық және Ойыл елді мекендерінде қалпына келтіру жұмыстарын жүргізу үшін жанар-жағармай құюшы ретінде жанар-жағармай материалдарын жеткізеді.

Оралдағы 5517 әскери бөлімінің жеке құрамы саны 60 әскери қызметші және 2 техника бірлігі Асан елді мекенінде су тасқынына қарсы іс-шараларды өткізуге қатысуды жалғастыруда.

Солтүстік Қазақстан облысының Прибрежное және Заречный кенттерінде су тасқынына қарсы іс-шараларды өткізуге жалпы саны 260 әскери қызметші және 12 техника бірлігі бар 6637 әскери бөлімінің және Ұлттық ұлан академиясының (Петропавл қ.) офицерлері, сержанттары, курсанттары мен сарбаздары қатысады.

Өз кезегінде, 5510 (Көкшетау қ.) әскери бөлімінің жеке құрамы 40 адам және 2 техника су тасқынына қарсы іс-шараларды өткізуге қатысты, келісімшарт бойынша және әскерге шақыру бойынша әскери қызметшілер филармония ауданында қапшықтар дайындап,  салуда.

Ұлттық ұланның баспасөз қызметі хабарлағандай, елордалық 6636 әскери бөлімнің жеке құрамы 70 адам және 2 бірлік техника Талапкер елді мекенінде су тасқыны кезінде көмек көрсету үшін бөлінді, бұл Астанадан 26 шақырым жерде орналасқан елдімекен.

Айта кетейік, ҚР Ұлттық ұланының авиациясы табиғи апаттан зардап шеккен азаматтарға көмек көрсетуге тікелей қатысады. Мәселен, бүгін таңертең Y-8 ұшағы Құлсары қаласының тұрғындары үшін 13 тонна гуманитарлық жүкпен Астанадан Атырауға ұшып кетті. 

Бұдан басқа, Ақтөбе, Атырау және Батыс Қазақстан облыстарында екі Ми-171Е тікұшағында ұшу жалғасуда, әр өңірде ұшу радиусы 300 километрді құрайды. 5546 әскери бөлімінің әскери қызметшілері де  (Атырау қ.) 10 автотехника бірлігінде 125 адам су тасқынына қарсы іс-шараларды өткізуге белсенді қатысады, ал 6656 әскери бөлімі (Ақтау қ.) Бейнеу қаласында Құлсары қаласынан эвакуацияланған тұрғындарды тамақтандыруды ұйымдастыру үшін екі дала асханасын орналастырды.

Су тасқыны аймағында жұмыс тиімділігін арттыру үшін 1500-ден астам ұландықтар, құқық қорғау күштерінің 70-тен астам авиа және автомобиль техникасы жұмылдырылды. 1000-нан астам адам эвакуацияланды, 140 000 қап төселді.