Қазақстанның 6 облысында көлік қозғалысы шектелді

Қазақстанның 6 облысында республикалық маңызы бар 8 жолда автокөлік қозғалысы шектелді, деп хабарлайды Azattyq Ruhy.  

«ҚазАвтоЖол» АҚ баспасөз қызметінің хабарлауынша, 6 облыстағы (Ақтөбе, Атырау, Қостанай, Павлодар, Маңғыстау, СҚО) республикалық маңызы бар 8 автомобиль жолдарында қозғалыс шектелді. 

«5 сәуір сағат 09:00-дегі жағдай бойынша халықаралық және республикалық маңызы бар автомобиль жолдарында ауа-райының жылынуы мен қардың тез еруінен 3 облыста (Атырау, СҚО, Қостанай) 6 жол жүру учаскесінде (жалпы ұзындығы 3 280 метр) су тасқыны болды», - делінген хабарламада.

Қазіргі таңда республикалық жолдарға 285 бірлік техника мен 312 адам жұмылдырылды.