Алматыда бюджет қаржысын жымқырған мектеп директорының орынбасары мен бас есепші сотталды

Алматыда мемлекеттік бюджеттен 11 миллион теңге жымқырған мектеп директорының орынбасары мен бас есепші жауапқа тартылды. Мұны Алматы қаласының прокуратурасы мәлімдеді, деп хабарлайды Azattyq Rýhy.

Астана арнасының хабарлауынша, заңбұзушылық мектептердің бірін тексеру барысында анықталған. Қазынаға қол сұғушылар артық қаражатты негізсіз жалақы есептеу арқылы өздеріне алып отырған көрінеді. 

«Кінәлілер коммерциялық ұйымдарда басшылық лауазымдарды атқару құқығынан айырыла отырып, 3 жылға бас бостандығынан айырылды. Залал толық көлемде өтелді. Үкім заңды күшіне енді», - деді Алматы қалалық прокуратурасының ресми өкілі Жиделбай Нұрсұлтан.