Талдықорғанда қызды зорлады деп айыпталған бұрынғы полиция бастығының соты басталды

Талдықорғанда қызды зорлады деп айыпталған қалалық полиция басқармасының бұрынғы бастығы Марат Күштібаевқа қатысты сот процесі басталды, деп хабарлайды Azattyq Ruhy Жетісу облысы сотының баспасөз қызметіне сілтеме жасап.

«Талдықорған қалалық сотында ҚР Қылмыстық кодексінің 120-бабы, 2-бөлігі, 5-тармағы бойынша айыпталып отырған күдіктіге қатысты қылмыстық істі қарау басталды», - деп хабарлады облыстық сотта.

Процесс жабық режимде өтеді.

Естеріңізге сала кетейік, Талдықорған полиция басқармасының бастығы 27 жастағы қызды зорлады деген күдікпен ұсталды. Жәбірленушінің адвокаты Нұрлан Молбаев зорлық-зомбылықтың қалай жасалғанын айтты.

Осы оқиғадан кейін полиция басшылары жұмыстан шығарылды.