Дәстүрлі емес діни ағымдағы материалдарды жариялаған Қызылорда тұрғыны ұсталды

Қызылорда облысы ПД экстремизмге қарсы іс-қимыл басқармасының қызметкерлері жүргізген жедел-іздестіру іс-шаралары барысында дәстүрлі емес діни ағымдағы материалдарды әлеуметтік желіде қауымдастық ашып, жариялаған деструктивті діни ағымды ұстанатын 62 жастағы облыс орталығының тұрғыны анықталды, деп хабарлайды Azattyq Ruhy Polisia.kz-ке сілтеме жасап.

Оған қатысты сотқа дейінгі тергеп-тексеру әрекеттері жүргізіліп, қылмыстық іс сотқа жолданды. Қызылорда қаласы мамандандырылған сотының 2024 жылғы 18 қаңтардағы үкімімен сотталушы кінәлі деп танылып, оған 2 жылға бас бостандығын шектеу жазасы тағайындалып, пробациялық бақылауға алынды.

Үкім заңды күшіне енді.