Шымкентте аялдамалардың бірінде адасып қалған бала аман-есен табылды

Шымкентте жоғалып кеткен он жастағы бала тәртіп сақшыларының жылдам әрекет етуінің нәтижесінде жарты сағат ішінде табылды, деп хабарлайды Azattyq Ruhy Otyrar.kz-ке сілтеме жасап.

Полиция бөлімшесіне ұлы мектепке кетіп, қайта үйіне оралмағандығы жөнінде қала тұрғынынан хабарлама түскен.

Жоғалған баланы жедел іздестіру шараларына Тұран АПБ Ювенальдық полиция қызметкерлері жұмылдырылып, қала аумағындағы тәртіп сақшыларына шұғыл бағыттама берілді.

Тоқтаусыз жүргізілген іздеу жұмыстарының нәтижесінде, жасөспірім сол аудан аумағында адасып жүрген жерінен табылды.

Белгілі болғандай мектеп оқушысы түсетін жерінен емес, басқа аялдамадан түсіп қалған.

Бала аман-есен ата-анасына тапсырылды.