Былтыр синтетикалық есіркі таратқан 40-тан астам жасөспірім ұсталды – ІІМ

ҚР ІІМ Есірткі қылмысына қарсы іс-қимыл департаменті бастығының орынбасары Бақытжан Әмірханов жасөспірімдер арасындағы есірткіге қатысты қылмыстар жайлы айтты, деп хабарлайды Azattyq Ruhy.

«Былтыр синтетикалық есірткіні таратқаны үшін 40-тан астам жасөспірім және кәмелетке толмағандар ұсталды. Алайда осы айдың өзінде 4 кәмелетке толмаған жауапқа тартылды. Күні кеше ғана жедел-іздестіру іс-шараларын өткізу барысында Ақтөбе қаласында орта мектептің 9-сынып оқушысы ұсталды. Тінту жүргізу кезінде кеудешесінің қалтасында жалпы көлемі 48 дана түйіншек табылды. Заң шығарушы есірткі өткізгені үшін 14 жасынан бастап қылмыстық жауапкершілікті көздейтінін және 10 жылға дейін бас бостандығынан айыру жазасы тағайындалатын атап өту керек», - деді Әмірханов.   

Оның айтуынша, есірткі қылмысына қарсы іс-қимыл департаментімен және аумақтық бөліністермен әр түрлі тәуелділік мәселелерінде білім беру, денсаулық үшін қауіпсіз тәртіп туралы ақпараттандыру және салауатты өмір салтын үгіттеу жүргізіледі. 

«Бұл жұмыс волонтерлармен, партия өкілдерімен, студенттермен, блогерлермен, спортшылармен бірлесіп ұйымдастырылған. Яғни, кешенді көзқарас қамтамасыз етілген.Денсаулық сақтау және білім беру органдарымен өзара іс-қимыл жасаса отырып 5426 іс-шара, Үкіметтік емес ұйымдармен бірлесіп 1161, волонтерлармен бірлесіп - 17842, мектептерде - 5144, жоғары оқу орындарында – 3271 іс-шара өткізілді. Аталған іс-шараларды өткізу барысында жасөспірімдер мен жастарды жалпы қамту 714 мыңнан астам адамды құрады», - деді ол. 

Авторы: Аягөз ҚҰРМАШ