Ақтөбе облысында жол тазалаушылар тасжолда қалып қойған жүргізушілерге көмектесті

Ақтөбе облысында жол қызметкерлері «Ақтөбе-Атырау-РФ шекарасы» республикалық маңызы бар автожолда көлігі сынған үш жүргізушіге көмек көрсетті, деп хабарлайды Azattyq Ruhy ҚазАвтоЖолға сілтеме жасап.

Екі жүргізуші Түркия және Өзбекстан азаматтары.

«ҚазАвтоЖол» ҰК» АҚ жол қызметкерлері бұл көліктерді тас жолдарды патрульдеу кезінде анықтаған, оларға дер арада серіктестіктің мердігерлері арқылы көлікті жөндеуге көмек көрсетілді», - делінген хабарламада.

Республикалық маңызы бар автожолда төтенше жағдайлар туындаса, тәулік бойы жұмыс істейтін 1403 қысқа нөмірі арқылы біріңғай байланыс орталығына хабарласуға болады.