«Айыппұл қарастырылған»: газбен жүретін автокөлік иелеріне жаңа талап қойылады
Ережені бұзғандарға 3 АЕК көлемінде айыппұл қарастырылған
Қазақстанда газбен жүретін автомобильдер арнайы белгі орнатуға міндетті. Жаңа ереже алдағы жылдың 1-қаңтарынан бастап қолданысқа енгізіледі, деп хабарлайды Azattyq Ruhy.
Талап ҚР Ішкі істер министрлігі Әкімшілік полиция комитетінің № 5-5-5-5-70/1302-И 21.11.2023 өтінішіне сәйкес ҚР СТ 1412-2017 «Жол қозғалысын реттеудің техникалық құралдары. Қолдану ережелері» бойынша енгізілмек. Өзгерістер 2024 жылдың 1 қаңтарынан бастап қолданысқа енгізіледі.Газ баллонды жабдығы бар автомобильдерге арнайы белгіні міндетті түрде орналастыру талап етіледі.
«Ол қара түсті жиегі бар және «GAS» леп белгісі жазбасы бар сары түсті теңбүйірлі үшбұрыш болып келеді. Бұл белгі жабық паркингтерге кірген кезде көлік оңай танылатындай етіп орнатылуға тиіс», - делінген ҚР Сауда дәне интеграция министрлігінің хабарламасында.
Бүгінгі таңда елімізде 380 мыңнан астам автомобиль газ баллонмен жабдықталған. Белгі газ баллонмен жабдықталған автомобильдер үшін міндетті болғандықтан, талапты орындамаған жүргізушілерге ӘҚБтК 620-бабының 3 АЕК мөлшерінде айыппұл салынады.
