Астанада биыл жол апатынан 30 адам қаза тапқан

Жыл басынан бері елордада 600-ден аса жол көлік оқиғасы тіркелді. Соның салдарынан 30 адам көз жұмып, 700-ге жуығы жарақат алды. Бұл деректер Астана Полиция департаменті ұйымдастырған арнайы акцияда айтылды, деп хабарлайды Azattyq Ruhy агенттігі 24.kz-ке сілтеме жасап.

Қарашаның үшінші аптасында бүкіл әлем жол көлік оқиғасынан қаза тапқандарды еске алады. Осындай датаны бекіткен. Соның аясында жергілікті тәртіп сақшылары арнайы өзіндік автошеру ұйымадстырды.

Мамандар «Басты мақсат – жолдағы апат санын азайтып, қауіпсіздікті күшейтуге үлес қосу» дейді. Акцияға астаналық еріктілер де қосылды. 

«Бұл мәселеге ерекше көңіл бөлк керек. Оны назардан тыс қалдыруға болмайды. Өйткені, оның артында адамдардың тағдыры тұр. Осы мақсатта түсіндірме жұмыстарын жүрігізіп жатырмыз. Айта кетейік, жол көлік оқиғасының басым бөлігі жаяу жүргіншілердің абайсыздығынан болады. Бұған қоса, жол ережелерін ескермей, жылдамдықты шамадан тыс асыратындар да көп», - деді қалалақ Полиция департаменті басшысының орынбасары Ержан Әділбеков.