Бұдан былай заңсыз құрылысқа жол берілмейді - министр

Бүгін елордада заңсыз құрылысқа жол беру және онымен күресу мәселесі көтерілді, деп хабарлайды Azattyq Ruhy. Бұл туралы Өнеркәсіп және құрылыс министрлігінің арнайы брифингінде айтылды.

«Бұл жерде мәселе бақылау функциясына қатысты. Биыл қала құрылысы сараптамасының тетігі енгізілді. Бізде мемлекеттік сараптама қалалық жоспарлаудың құжаттарға сәйкестігі туралы қорытынды береді. Демек, әкімдік құрылыс салуға жерді беру процесін бақылайды және құрылыс бас жоспарға сәйкестігі қатаң бақылауда болады. Құрылыс саласында мәселе бар екенін түсінемін. Учаскелерді бөлу кезінде белгілі бір асыра пайдалану бар. Қазір бізде бір бақылау механизмі бар, енді жоспарлаудың аясынан тыс жұмыс істеу керек болады», - деді Өнеркәсіп және құрылыс министрі Қанат Шарлапаев ведомствода өткен баспасөз мәслихатында.

Министрдің айтуынша, жаңа бақылау механизмі жақында ғана енгізілді. Олар мемлекеттік сараптама мекемесінде келісімнен өтеді.

«Егер құрылыс нысаны қаланың бас жоспарына сәйкес келмесе, біз онда келісім бермейміз. Бұл жерде мемлекеттік сараптама шеңберінде министрлік пен әкімдіктер арасында өзара іс-қимылды жолға қою керек. Біз мәселенің барын мойындаймыз және шектеулер қоюға тырысамыз. Нәтижесі шықпаса қайта қараймыз», - дейді ол.