ШұғылӨңірлерде коронавирус жұқтырғандар саны күрт артты – Біртанов

Карантин режимін бұзғандарға қандай жаза қарастырылады

Карантин тәртібін бұзғандар айыппұл төлеп, қылмыстық жауапкершілікке тартылады

Фото: polisia.kz

ҚР Әділет министрлігі карантин режимін бұзғандарға қатысты қарастырылатын айыппұлдар мен қылмыстық жауапкершілік түрлерін жариялады, деп хабарлайды Azattyq Rýhy  министрліктің баспасөз қызметіне сілтеме жасап.

«Карантин режимі шеңберінде жарияланған шектеу іс-шаралары тұрғындар мен меншік нысанына қарамастан, заңды тұлғалардың орындауы үшін міндетті», – делінген ведомство хабарламасында.

Төтенше жағдай кезінде карантин режимінің талаптарын сақтамағаны үшін Әкімшілік құқықбұзушылық кодекс шеңберінде мынадай әкімшілік жауапкершілік көзделеді:

- ескерту немесе 26,5 мың теңге мөлшерінде айыппұл;

- немесе 15 тәулікке дейін әкімшілік қамауға алу (ӘҚБтК-нің 476-бабы)

Сонымен қатар, азаматтар құқық қорғау органдарының заңды талаптарына бағынбағаны үшін мынадай жазаға тартылады (ӘҚБтК-нің 667-бабы):

- 106 мың теңгеге дейінгі мөлшерінде айыппұл;

- немесе 10 тәулікке дейін әкімшілік қамауға алу.

Сонымен бірге, төтенше жағдай кезінде билік өкілінің заңды талабына бағынбағаны үшін қылмыстық жауапкершілік қарастырылады:

- 5,3 миллион теңгеге дейінгі мөлшерінде айыппұл;

- немесе екі жылға дейінгі мерзімге бас бостандығынан айыру (ҚР ҚК 379-бабы).

Барлық шектеу іс-шаралары уақытша және инфекцияның таралуын болдырмау үшін ғана қабылданып жатқанын айтып өткен жөн.

Сұхбат
Малайзиядан  29 наурызда елге оралған туристің хикаясы
Ешқандай әскери дайындықта болмаған азаматтар шақырылып жатқан жоқ
Карантинде отырған азаматтарға психолог кеңесі