«JasSpeak» сарапшылар мен пікірсайысшылар клубы дөңгелек үстел ұйымдастырды

Жастар саясаты басқармасының қолдауымен Алматы қалалық «Жастар Рухы» ЖҚ және «Еуразиялық бейбітшілік пен келісім» жеке мекемесі бірлесе отырып құрылған «JasSpeak»  жас сарапшылар мен пікірсайысшылар клубы ҚР Конституциясы күніне орай дөңгелек үстел ұйымдастырды, деп хабарлайды Azattyq Ruhy.

Кездесуге  «Жастар Рухы» Жастар қанаты Алматы қалалық филиалының төрағасы Кеңесов Әкежан,  «Dauletten» қайырымдылық қорының директоры Қуандық Жасұлан Бостандықұлы қатысты.

Жасұлан Бостандықұлы: «Жастар арасында саяси және азаматтық белсенділік үлесін арттыру үшін жастардың жастар саясаты жайында ақпараттану және жастар саясатына қатысу деңгейін көтеру, қалалық және ауылдық елді мекендердің тұрғындары арасында жергілікті және республикалық деңгейлерде шешімдер қабылдау процестеріне қатысу мүмкіндіктері туралы жастардың хабардар болу деңгейін арттыру мақсатында «Ules» жобасы іске қосылды.

Ulesqos.kz сайты іске қосылып, іріктелген жастар негізінде республикалық және областық, қалалық кеңестерге жастардың қатысуы ұсынылатын болады» дей келе, «Алматы студенттер Альянсы» корпоративтік қорының «Ules» жобасымен таныстыру жүргізіп, алдағы уақытта ұйымдастырылатын іс- шараларымен бөлісті. 

Сонымен қатар дөңгелек үстел барысында Қазақстан Республикасының Конституциясы туралы жастар диалогы жақсы өрбіп, қызықты пікірталас пен пікір алмасу болды.