Айгүл Иманбаеваның әкесі өмірден өтті

Қаралы хабарды дәстүрлі әнші Ерлан Рысқали әлеуметтік желідегі парақшасында жазды, деп хабарлайды Azattyq Ruhy.

«Қаралы хабар. Қазақтың аяулы өнерпаз қызы Айгүл Иманбаеваның әкесі Серікқұл Иманбаев дүние салды. Құрметті Айгүл, қанаты бүтін сұңқар, тұяғы бүтін тұлпар жоқ. Алла әкейдің алдынан жарылқасын. Бекем болыңыз», - деп жазды Ерлан Рысқалиев.

Бұған дейін Айгүл Иманбаева «Ең алғашқы» бағдарламасында әкесіне қатысты ешкім білмейтін сырларын ашқан болатын. Өнер иесі 5 жасында ата-анасы ажырасып кеткеннен кейін әкесін қайта қабылдау, кешіру қиын болғандығын айтты.

Бала күнгі қорқыныштар мен өкпе-назды ұмыту үшін актрисаға 40 жыл қажет болған.