«Жәбірленуші жарақат алмады»: боксшы Бейбіт Шүменов ОСО-да болған төбелеске қатысты пікір білдірді

Боксшының айтуынша, өзінен таяқ жеген адам оны балағаттаған. 40 жасқа аяқ басқан боксшы әйелі мен ұлын Америкадан әкеліп, қыдыртып жүрген. Шүменовтың сөзінше, оның 8 жастағы ұлын бейтаныс бала бірнеше рет түртіп жіберген, деп хабарлайды Azattyq Ruhy.

«БАҚ-та және әлеуметтік желілерде менің атыма қатысты таратылатын ақпарат пен бейнелерге қатысты мынаны хабарлағым келеді: жағымсыз жағдай орын алды және дұрыс емес. Көрсетілген видео маған қарсы рөлге басымдық береді. Бұл жағдайды соңына дейін түсінбей, оқырмандар менің мекен-жайыма түрлі жағымсыз пікірлер жаза бастады. Сіз біздің қарқынды дамып келе жатқан ақпараттық дәуірімізде кез-келген адамды жаман жағынан көрсетуге және көрсетуге болатындығын жақсы білесіз, түсінесіз. Кез келген адамды қаралау үшін ыңғайлы жерден түсіруге немесе көрсетуге болады. Сондықтан әртүрлі болжамдар болмас үшін мен мынаны хабарлаймын: Менің 8 жасар ұлым осы күні ойын алаңында ойнады және оны басқа бала себепсіз арқасынан ұра бастады. Менің ұлым бұл баланың неге өзін ұрып-соққанын түсінбеді. Бірнеше минуттан кейін ол бала қайтып келіп, ұлыма тағы шабуыл жасамақ болды, менің ұлым жалтарып, одан қашып кетті», - деді боксшы.

Бөтен баланы жақыны келіп алып кеткен. Алайда өзінің ұлын өзге баланың ойын алаңында ұрғаны боксшыға ұнамаған және оны жайдан-жай қалдырғысы келмеген. Дастарханда тамақтанып отырған адамға соққы жасау себебін де түсіндірді.

«Мен төбелескен ер адам жарақат алмады. Сараптама оның жеңіл де, орташа да жарақат алмағанын растады. Қазіргі уақытта дау шешілді. Ал қызығушылығы бар адамдарға айтарым, мен қара да, ақ пиарға да зәру емеспін. Мен үшін алдымен адам болып қалу және қателік жасамау маңызды. Бейбіт, әрі тыныш өмір сүру», -деді Бейбіт Шүменов.

Ал жәбірленуші тараптың сөзінше, оқиға 18 маусымда болған. Одан бері бір айға жуық уақыт өткенмен, полиция да, прокуратура да ешқандай шара қолданбаған. Тек видео қоғамға тараған соң ғана іске кіріскен. 

«Бұзақылық әрекеттегі жәбірленушінің қорғаушысы болам. Бүгінгі күнге дейін полиция тарапынан кінәлі адамға қатысты ешқандай шара қолданылған жоқ. Оның әрекеті ҚР ҚК 293 бабымен (бұзақылық) қаралатын іс. Жәбірленуші бірнеше рет құзырлы органдарға хабарласқанмен, ешқандай шара дер кезінде қабылданбады. Бұзақы кім, атағы, дәрежесі қандай болса да заң алдында жауап беруі керек. Жәбірленуші ғана емес, оның баласы да жапа шекті. Бұл адам жазасыз қалмау керек. Видео қоғамға тараған соң ғана құқық қорғау органдары қимылдай бастады. Бірнеше сағатта істейтін жұмысты бір айдай созып жүрді, жаба салмақшы болды. Мен бұл істі логикаға қонымды болатын әрекетке дейін жеткізем», - деді жәбірленушінің адвокаты Тілеужан Қанат.