Украина Қазақстан компанияларына санкция салған ба? - СІМ жауабы

Украина салған санкцияларға Индустрия және инфрақұрылымдық даму министрлігі жауапты, деді Қазақстан СІМ ресми өкілі Айбек Смадияров, деп хабарлайды Azattyq Ruhy.

«Жуықта ведомство бұл компанияларға қатысты түсініктеме берді: олар немен айналысатыны, келісімшарттарға қай кезде қол қойылғаны анықталды. Сыртқы істер министрлігі арқылы біз қабылдап, тиісті мемлекеттік органдарға тапсырамыз», - деді Смадияров.

Еске сала кетейік, өткен аптада Украина бірнеше мемлекеттің 291 кәсіпорнына, оның ішінде екі қазақстандық компанияға қарсы 5-10 жыл мерзімге санкция салғаны белгілі болды.

Тізімде «ИТС-Астана» ЖШС мен «Тыныс» АҚ бар. Бұл компанияларға қарсы санкциялар бес жыл мерзімге енгізілді.