Нұрлан имам Астанадағы мешітке бас имам болып тағайындалды

Әлеуметтік желіде сұрақтарға берген шыншыл жауаптарымен танылған Нұрлан имам бұл жаңалық туралы Instagram парақшасында жазды, деп хабарлайды Azattyq Ruhy.

«Алланың қалауымен, елдің ақ тілегімен бүгін Астанамыздағы «Алланың гүлі» аталып кеткен Ырыскелді қажы атындағы мешітке бас имам боп тағайындалдым. Бұл мен үшін қуанышты жаңалық. Енді Астана жұртшылығымен және қала қонақтарымен осы мешітте жүздесеміз. Еліміз тыныш, жұртымыз аман, бірлігіміз берік, руханиятымыз тұғырлы болсын», - деді ол.

Айта кетейік, бұған дейін Нұрлан Байжігітұлы Алматы облысындағы «Зәм-зәм» мешітінің бас имамы болды. Нұрлан қажы Асанов 1979 жылы Жамбыл облысында дүниеге келген.