Бұл туралы ол Instagram парақшасында жазды
Amazon басшысы Джефф Безос өз атымен аталатын Жер Қорын құрып, климаттық өзгерістерге қарсы күресетінін мәлімдеді, - деп хабарлайды РИА Новости.
«Мен бұған дейін ашылған ғылыми зерттеулерді дамыта отырып, климаттың өзгеруіне қарсы тұратын басқа да жаңалықтар ашқым келеді», - деп жазады Безос.
Ол үшін Безос $10 млрд бөледі, Жер қорынан қаражат осы проблеманы шешумен айналысатын ғалымдарға, белсенділерге және үкіметтік емес ұйымдарға берілетін болады.
«Мен осы жазда гранттар беруді бастаймын», - деді миллиардер.
Безос компанияларға, елдердің үкіметтеріне, халықаралық ұйымдарға және қарапайым адамдарға бірлескен жұмысты бастау туралы үндеді.
«Жер барлығымызды біріктіреді, оны бірге қорғайық», – дейді.
Бұрын хабарланғандай, Джефф Безос Forbes нұсқасы бойынша әлемнің ең бай адамдарының тізімін қайта басқарды. Ол $115,5 млрд көрсеткішімен Louis Vuitton moet Hennessy Бернар Арноны басып озды.