Қазақстанда 2 млн адам кедейлік шегінде өмір сүреді

Елімізде кедейлікте өмір сүріп жатқан адамдар саны 2 миллионға жеткен деп хабарлайды «Хабар-24». Бұл цифра атаулы әлеуметтік көмекті тағайындау барысында анықталған.

Айта кетейік, аталған көмек түрі әлеуметтік жағдайы төмен отбасыларға төленіп келеді. Бүгінде елімізде 405 отбасыға немесе 2 миллион адамға көмектің осы түрі көрсетіледі.

Атаулы әлеуметтік көмек үшін биыл бюджеттен 204,5 млрд теңге бөлінген. Бұл қаржының 70 пайызы төленген. Көмекке мұқтаждардың дені Түркістан, Жамбыл және Алматы облыстарында, сондай-ақ, Шымкентте тұрады екен. Ал, Нұр-Сұлтан мен Алматы қалаларында атаулы әлеуметтік көмек алатындар саны аз.