ШұғылҚазақстанда бір тәулікте 820 адам коронавирус жұқтырған

Тоқаев ШҚО әкіміне Абайдың 175 жылдығына бөлінген қаражатты қысқартуды тапсырды

Даниал Ахметов мерейтойға 20 млрд теңге қарастырған 

Елордада өтіп жатқан Үкіметтің кеңейтілген отырысында Қасым-Жомарт Тоқаев Шығыс Қазақстан облысының әкімі Даниал Ахметовке Абай Құнанбаевтың 175 жылдығына бөлінген 20 млрд теңгені қысқартуды тапсырды. Ахметов аталған соманы мерейтой алдындағы абаттандыру жұмыстарына жұмсамақ болған.

«Той деген тойлау үшін емес, толғау үшін керек. Сондықтан, ақшаны қысқарту қажет. Ысырапшылдыққа жол беруге болмайды. Тіпті, кәсіпкерлердің демеушілігімен де шетелден жұлдыз шақырып, концерт өткізуді доғарған дұрыс»,-  Қ. Тоқаев.

Президент Даниал Ахметовтің  тәжірибесі мол әкім екенін айтып, Абайдың мерйтойында пайдалы шаралар атқаруға тапсырма берді. Сонымен қатар мемлекет басшысы Семейдің тарихи қала мәртебесін алғанын тұрғындар Үкіметтің өңірге назар аударып жатқаны деп түсінуі қажет деді.

Абай Сейфулла, Нұр-Сұлтан