Елдегі 10 студенттің жетеуі ақылы түрде білім алады

Биылғы оқу жылындағы студенттердің саны – 604,3 мың

2019-2020 оқу жылының басында елімізде 125 жоғарғы оқу орны тіркелсе, оның 67,2%-і жекеменшік иелігінде.

Жоғарғы оқу орындары ең көп қалалар көшін Алматы (41), Нұр-Сұлтан (15), Шымкент (10) шаһарлары бастап тұр, деп жазады Finprom.kz сайты.

Ал биылғы оқу жылындағы студенттердің саны – 604,3 мың. Бұл өткен жылғы көрсеткіштен 11,4%-ға артық. Олардың 321,6 мыңы - қыздар. Студенттердің 79,6% күндізгі форма бойынша, 14,9% сырттай, 5,5% кешкі уақытта білім алады.  180,1 мың студент мемлекеттік грант бойынша(29,8%), ал қалған 424,3 мыңы ақылы түрде оқиды(70,2%). 

Биылғы оқу жылының басында жоғарғы орындарында 38,5 мың мұғалім тіркелген. Оның 3,3 мыңы ғылым докторлары (8,5%), 12,7 мыңында ғылым кандидаты дәрежесі бар (33,1%), 2,5 мыңы – профессорлар (6,4%), 5,9 мыңы - доценттер (15,3%), 2,6 мыңының PhD ғылыми дәрежесі бар (6,8%), 235-і профиль бойынша докторлар (0,6%), 13 мыңының магистр дәрежесі бар. 

2019 жылдың қаңтар және қыркүйек айлары аралығында жоғарғы білім беру саласындағы қызмет көрсету көлемі 229,5 млрд теңгеге жеткен. Бұл өткен жылғы көрсеткіштен 10,8%-ға артық.

Дереккөз: Baq.kz

Загрузка новостей...
Сұхбат
Нұр-Сұлтандық полиглоттың тіл үйретудегі құпиясы
«Сергек» қожайыны жоба туралы бар шындықты айтты
Қазақстан ЖОО-ларында 17 мыңға жуық Өзбекстан азаматы білім алып жүр