ШұғылҚазақстанда COVID-19 вирусын жұқтырғандар саны 870 мыңнан асты

«Іші қапырық». Құлсары тұрғындарының млрд теңгеге салынған мектептегі жағдайға көңілі толмайды

Ғимарат 2003 жылы бюджет қаржысына салынған

фото: azh.kz

Құлсары қаласындағы Е. Халықов атындағы №7 орта мектебінде толыққанды білім алуға жағдай жоқ. Оқушылардың ата-аналары осылай деп санайды. Әсіресе оларды ауа айналысы тар ғимарат алаңдатып отыр, деп хабарлайды azh.kz.

Ғимарат 2003 жылы бюджет қаржысының 1 млрдтан астам теңгесіне салынған. Ғимаратта терезелер төбеде орналасса, желдеткіштер пайдалануға берілген жылдан бері жұмыс істемейтін көрінеді. Сыныптарда ауа жетіспеушілігінен кейбір оқушылардың басы айналу оқиғалары орын алып тұрады.

«Балаларымызға жанымыз ашиды. Желдеткіштердің бірде-бірі істемейді, сынып іші қапырырық, ауа жоқ дейді балаларымыз.  Берекеті қашқан баладан қандай білім күтеді? Бұл проблеманы шұғыл шешу керек!», - дейді ата-аналар.

Ата-аналардың сөзін мектеп директорының міндетін атқарушы Гүлфайруз Сенғалиева жоққа шығармады. Кабинеттерде ауа айналысы қиындап кеткен көрінеді. Тіпті кейбір мұғалімдер үйлерінен желдеткіш әкеліп пайдалануда. 1200 орынға есептелген мектепте бүгінде бар болғаны 700 бала білім алуда. Себебі, ата-аналар мүмкіндігінше балаларын басқа мектепке ауыстыруда.

«Мектепте 50 кабинет болса, соның 10-ында ғана дұрыс терезе бар. Қалған 40 кабинетте терезе шатырда. Менің ақпаратым бойынша, желдеткіштерді ауыстырып, іске қосу үшін құжаттама әзірленіп, оған бюджет қаржысынан 8 млн 700 мың теңге бөлінген. Тендер өткізілетін болады», - дейді Г.Сенғалиева.