Вакциналау паспортын сатып алған павлодарлық ауыр халде жатыр

Павлодарда вакциналау паспортын сатып алған әйел адам ауыр халде жатыр. Ол өзіне және туыстарына төлқұжат сатып алғанын мойындаған. Бұл туралы облыстық денсаулық сақтау басқармасының басшысы Айдар Сейтқазинов ӨКҚ-да өткен брифингте мәлім етті.

«Кардиологияда жалған төлқұжат алған әйел жатыр. Ол туыстарына төлқұжат сатып алғанын мойындады. Қазір науқастың жағдайы ауыр. Жасанды желдету аппаратына қосылған», - деді Айдар Сейтқазинов.

Спикер өңір тұрғындарын жалған вакциналау паспортын алмауға шақырады.