Қазақстандық блогер ЛГБТ жалауын өртеді

Қазақстандық блогер Мерей Жолшы ЛГБТ жалауын өртеп, оның видеосын әлеуметтік желіде жариялады. Жас жігіттің әрекеті желі қолданушыларын екіге бөлді.

Видеороликте Мерей Жолшы тек жалауды ғана емес, балаларға арналған ойыншық – попитті де өртейді.

«Ермен ердің, әйелмен әйелдің жұп болуы кез келген дінде жек көрілген амал. Аллаһтың лағынетіне ұшырағандарға біздің текті елде орын болмауы қажет. Себебі, қазақтың мықтылығы – тектілігінде», - деп жазды блогер өзінің Instagram-парақшасында.

Мерей Жолшының бұл видеосы әлеуметтік желіде қызу талқыланып жатыр. Бір тәулікке жетпейтін уақытта видеоға 400 мыңға жуық адам «лайк» басып, 15 мыңдай коммент жазылды.