ШұғылCOVID-19: Қазақстанда вирус жұқтырғандар саны 406 мыңнан асты

СҚО-да заңсыз жүрген 12 шетелдік елден шығарылды

Бұдан бөлек 70 адам әкімшілік жауапкершілікке тартылды

Фото: ашық дереккөзден

Солтүстік Қазақстан аумағында заңсыз жүрген  12 иммигрант елден шығарылды. Өңірде жыл басынан 1800-ден астам шетелдік тіркелген, хабарлайды Azattyq Rýhy тілшісі ПД баспасөз қызметіне сілтеме жасап.

Өткен жылы ҚР аумағында болуға рұқсат беретін құжаттың мерзімі өткен немесе 2021 жылдың 5 маусымына дейін аяқталатын шетелдіктер мен азаматтығы жоқ адамдардың шығуына рұқсатты ұзарту туралы шешім қабылданды. Мемлекеттік шекарадан өту кезінде олар әкімшілік жауапкершілікке тартылмаған. Көрсетілген мерзім аяқталып келеді. Енді шетелдіктердің бұл санаты елде одан әрі болу үшін заңды негіз болмаған кезде (жұмыс істеуге рұқсат, отбасын біріктіру үшін және т.б.), азаматтығы бар елге немесе тұрғылықты жеріне 5 маусымға дейін, сонымен қатар, үшінші елдер арқылы шығу мүмкіндігін пайдалана отыра шығуы тиіс. Болу мерзімі өткен шетелдіктер, бірақ одан әрі болу үшін заңды негіздер болса, уақытша тұруға рұқсат немесе қажетті санаттағы виза ресімдеу арқылы заңды мәртебесін ретке келтіруі керек.

Отбасын біріктіру мақсатында Қазақстан Республикасының аумағында жүрген басқа мемлекеттердің азаматтары қайтадан азаматтығы бар елден келген құжаттардың толық пакетін, оның ішінде соттылығының бар-жоғын растайтын анықтаманы ұсынуы керек.

Қазақстан Республикасының аумағында 1 жылдан астам жүрген еңбек иммигрантына рұқсат беру және оны ұзарту туралы өтініш білдірген еңбек иммигранттары Қазақстан Республикасының аумағынан кетуге тиіс, ал қайта кірген кезде олар алғашқы еңбек патенттерін тіркеуге және уақытша тұруға рұқсат алуға өтініш беруі тиіс. Іскерлік, жеке немесе туристік мақсаттарда болу мерзімін ұзартуға тыйым салынады.

«ҚР заңнамасын жүйелі түрде бұзатын немесе елде ұзақ уақыт бойы заңсыз жүрген шетелдіктер әкімшілік жауапкершілікке тартылады. Олар бойынша материалдар елден шығару мәселесін шешу үшін сотқа жіберіледі. 4 ай ішінде қазірдің өзінде 12 шетелдік елден шығарылды, 70 адам әкімшілік жауапкершілікке тартылды. Жалпы, Солтүстік Қазақстан облысының аумағында жыл басынан бері 1860-тан астам шетелдік тіркелген. ҚР қонақтарынан заңнаманы біліп, сақтауды сұраймыз. Барлық сұрақтарыңызға аумақтық полиция бөлімдерінен немесе Петропавл қаласында 8 (7152) 34-00-23 телефоны арқылы кеңес ала аласыздар», - деді Солтүстік Қазақстан облысы Полиция департаменті Көші-қон қызметі басқармасының бастығы полиция подполковнигі Талғат Әбілов.

Эльмира Мәмбетқызы, СҚО