Түркістан облысында 60-тан астам адам жиналған беташар тарқатылды

Карантин талаптарының сақталуын қадағалау мақсатында құрылған арнайы мобильдік топ тойға жиналған көпшілікті тарқатуда.

Мәселен, Мақтаарал ауданы тұрғынының үйінде «Беташар» тойын өткізіп жатқанын анықталды. Тойға 60-тан астам адам жиналған. Мобильдік топ мүшелері жиналған адамдарға түсіндірме жұмыстарын жүргізіп, тойды дер кезінде тоқтатты.

Осы тұста карантин талаптарын елемеген той иесіне қатысты Әкімшілік құқық бұзушылық туралы кодекстің 425-бабы (Халықтың санитарлық-эпидемиологиялық салауаттылығы саласындағы заңнама талаптарын, сондай-ақ гигиеналық нормаларды бұзу) бойынша іс-құжаттар жинақталып, заңды шешім қабылдау үшін Мақтаарал аудандық СЭББ-ға жолданды.

Түркістан облысының полицейлері барлық азаматқа карантин кезінде сақтық шараларды ұстанып, адамдар көп шоғырланған жерлерге бармауды, басқосу мен той-жиын жасамауды ескертеді.